Tatiana Bogema

Ang pangalan ko ay Tatiana Stolova, at ang Bogema ang aking palayaw bilang artista. Taga-Donetsk, Ukraine ako. Isa akong artistang gumagawa ng mga coloring book para sa mga nasa hustong gulang. Kapag gumuguhit ako, iniisip ko ang lugar kung saan ko gustong manirahan, inilalarawan ko ito sa aking isip, at iginuguhit ko. Napapasaya ako nito. Ganito ko ginagawa ang aking seryeng Nice Little Town. Para sa inspirasyon, kailangan ko ng iba’t ibang bagay; maaaring magandang panahon lamang ito, isang maniyebeng araw ng taglamig o isang maaraw na araw ng tag-init. Maaari rin itong kalikasan at magagandang lugar na napupuntahan ko habang naglalakad kasama ang aso ko o kapag nagbabakasyon. Nagmumula ang mga ideya sa aking pagkabata, mga aklat, at mga kuwentong nangyari sa aking pamilya at mga kaibigan. Sa totoo lang, nagmumula ang mga ideya sa lahat ng dako. At kapag nagkaroon na ako ng ideya, inilalagay ko ito sa papel.

Mag-sign in para subaybayan